ПМХЗ қызметкерлері үстел теннисінен бақ сынасты

Құрылымдық бөлімшелер қызметкерлерінің арасында Спартакиада-2025 жүріп жатыр. Ендігі кезекте мұнай өңдеушілер үстел теннисінен жарысқа түсті. Спорттық сайыс 16 наурыз күні «Jenimpaz» теннис орталығында өтті.

Іс-шараны ұйымдастырған – «Нефтепереработчик» жергілікті кәсіподақ» ҚБ. Турнир мақсаты – «ПМХЗ» ЖШС қызметкерлері арасындағы үстел теннисін дамыту және насихаттау, кәсіпорын спортшыларының кәсіпқойлық деңгейін арттыру, жұмыскерлер арасындағы үздік спортшыларды анықтап, жүйелі түрле спортпен айналысуға тарту. Қазылар алқасының шешімі бойынша бірінші орын С. Теміралин (жеке біріншілікте 1 орын) мен Д. Арыновтан (жеке біріншілікте 6 орын) тұрған Мұнайды бастапқы өңдеу өндірісінің спортшылар командасына бұйырды. Екінші орынды Жөндеу-монтаждау-құрылыс цехының қызметкелері – А. Ыбыраев (ЖБ-де 3 орын) және С. Бойко (ЖБ-де 7 орын) жеңіп алды. Ауыр мұнай қалдықтарын өңдеу өндірісінің жұмыскерлері, жеке біріншілікте екінші орынға ие болған Д. Жұмалиев пен он бірінші болған А.Қожахметов топтық есепте үшінші орынға ие болды. Керемет көңіл күймен қатар ойыншылар бағалы сыйлықтар мен құрмет грамоталарына ие болды.